"Ldie 29 de Janeiro de 1999 saliu ne l Diário de la República la lei nº 7/99, para ganhar bigor un més apuis. Habie sido aprobada, por ounanemidade i aclamaçon, pula Assemblé de la República l die 19 de Nobembre de 1998. Essa lei diç ne l sou artigo 1º: O presente diploma visa reconhecer e promover a língua mirandesa.
Cumo eilha mesma diç, la lei nun criou nada de nuobo ne l campo de la lhéngua, que esta yá eisistie habie cientos d"anhos i era un dreito de ls sous falantes ousá-la, yá que l dreito a la lhéngua ten a ber cula denidade de la pessona de ls sous falantes i esta culidade de dreitos nun puode star dependiente de leis. Assi i todo, aqueilha lei trai cumo nobidade mais amportante l cumpermisso de l Stado an relaçon a eilha i als sous falantes: an apuiá-la; an assegurar l dreito al sou ansino nas scuolas oufeciales; an recoincer, oufecialmente, la sue antegraçon ne l património cultural pertués adonde, bendo bien, siempre stubo.
Talbeç seia altura de aporbeitar esta ouportunidade para fazer un pequeinho baláncio de cumo l Stado se ten zampenhado daquel cumpermisso, l mais solene, dando a coincer algo de l que ten feito. Ampecemos pul ansino: l mirandés ye hoije ansinado an to las scuolas de l cunceilho de Miranda de l Douro, zde la pré-purmaira al 12º anho, mas cuntina a ser ua deceplina de scuolha i solo cun ua classe por semana, arredada pa las mais malas horas; hai dous porsores a dar scuola de mirandés, mas nun coincemos qualesquiera ajudas de l Menistério de l"Eiducaçon quanto a porgramas, formaçon i carreira desses porsores. L menos que se puode dezir ye que l ansino de l mirandés nun ten merecido un segundo de ls repunsables de l Menistério de l"Eiducaçon, quando podie ser tan simpres i barato fazer algo mais, i sien zarredar l Menistério de las sues percipales mataciones.
Se passarmos pa l lhado de l Menistério de la Cultura, las cousas nun ándan melhor. Tirando algue atençon que le ténen dado ls delgados regionales de la cultura de l Norte, subretodo l"atual delgada, las cousas nun ándan palantre. Hai muito que se fizo sentir l"amportança i ourgença dua anstituiçon central oufecial de la lhéngua mirandesa, que puoda lhebar palantre ls cumpermissos de l Stado na pormoçon i apoio a la lhéngua mirandesa, que puoda porgramar las cousas i ajuntar nun solo rieiro las muitas guiricas que por ende ban correndo. L tiempo passa i quien spera zacradita, anque nun zaspere que ls mirandeses yá ganhórun muito calho de pacéncia.
Hai que recoincer que la salida de la lei nº 7/99 bieno a ajudar a criar ua nuoba cama i nuobas cundiçones pa l mirandés, dando-le mais fuorça i bisiblidade. Cuido que ls mirandeses ténen benido a aporbeitar essas nuobas cundiçones i neilhes cuntina i debe de cuntinar a assentar la percipal repunsablidade. Mas esso nun sustitui la upa que ben de cumpermisso de l Stado que, al modo que zanda, l tiempo se bai acurtiando" (Amadeu Ferreira - Público, 21/01/2007)
Cumo eilha mesma diç, la lei nun criou nada de nuobo ne l campo de la lhéngua, que esta yá eisistie habie cientos d"anhos i era un dreito de ls sous falantes ousá-la, yá que l dreito a la lhéngua ten a ber cula denidade de la pessona de ls sous falantes i esta culidade de dreitos nun puode star dependiente de leis. Assi i todo, aqueilha lei trai cumo nobidade mais amportante l cumpermisso de l Stado an relaçon a eilha i als sous falantes: an apuiá-la; an assegurar l dreito al sou ansino nas scuolas oufeciales; an recoincer, oufecialmente, la sue antegraçon ne l património cultural pertués adonde, bendo bien, siempre stubo.
Talbeç seia altura de aporbeitar esta ouportunidade para fazer un pequeinho baláncio de cumo l Stado se ten zampenhado daquel cumpermisso, l mais solene, dando a coincer algo de l que ten feito. Ampecemos pul ansino: l mirandés ye hoije ansinado an to las scuolas de l cunceilho de Miranda de l Douro, zde la pré-purmaira al 12º anho, mas cuntina a ser ua deceplina de scuolha i solo cun ua classe por semana, arredada pa las mais malas horas; hai dous porsores a dar scuola de mirandés, mas nun coincemos qualesquiera ajudas de l Menistério de l"Eiducaçon quanto a porgramas, formaçon i carreira desses porsores. L menos que se puode dezir ye que l ansino de l mirandés nun ten merecido un segundo de ls repunsables de l Menistério de l"Eiducaçon, quando podie ser tan simpres i barato fazer algo mais, i sien zarredar l Menistério de las sues percipales mataciones.
Se passarmos pa l lhado de l Menistério de la Cultura, las cousas nun ándan melhor. Tirando algue atençon que le ténen dado ls delgados regionales de la cultura de l Norte, subretodo l"atual delgada, las cousas nun ándan palantre. Hai muito que se fizo sentir l"amportança i ourgença dua anstituiçon central oufecial de la lhéngua mirandesa, que puoda lhebar palantre ls cumpermissos de l Stado na pormoçon i apoio a la lhéngua mirandesa, que puoda porgramar las cousas i ajuntar nun solo rieiro las muitas guiricas que por ende ban correndo. L tiempo passa i quien spera zacradita, anque nun zaspere que ls mirandeses yá ganhórun muito calho de pacéncia.
Hai que recoincer que la salida de la lei nº 7/99 bieno a ajudar a criar ua nuoba cama i nuobas cundiçones pa l mirandés, dando-le mais fuorça i bisiblidade. Cuido que ls mirandeses ténen benido a aporbeitar essas nuobas cundiçones i neilhes cuntina i debe de cuntinar a assentar la percipal repunsablidade. Mas esso nun sustitui la upa que ben de cumpermisso de l Stado que, al modo que zanda, l tiempo se bai acurtiando" (Amadeu Ferreira - Público, 21/01/2007)
Sem comentários:
Enviar um comentário